KYLIE LIPSTICK AND BRONZE PALETTE REVIEW *_*
مرحبا بنات
مثل ما عارفين انه كايلي جينر صار معاها براند
ميكب خاص فيها بدآت فيه بالارواج وبعدها نزلت باليت البرونز وبعده باليت
البرغندي .. ^-^
تدوينة اليوم راح تكون عن تجربتي مع منتجات
البراند اللي هم الارواج والبرونز باليت ..
باليت البرونز ....
^-^
.
.
.
تحمست للباليت من اول ما نزل لان مجموعة الألوان
جداا تمثل ذوقي *-* وأحبها كثيررر ... ولآن كان عندي فضول اجرب الشادوهات من
البراند تبعها ...
.
.
الباليت شريته بضربة حظ عكس الروج اللي اضطريت
اطلبه من تاجرة على الانستجرام ..
وصلني ايميل انهم عاملين ريستوك واول ما فتحت
حصلت لسه الباليت موجود ف اخذته $-$
.
.
.
.
اول ما وصلني الباليت كان معاه نفس كارد جدا
لطيفة كل ما تحركي البطاقة تتسكر العين اللي عليها ( حاولت حطها بس عيت تفتح وتشتغل ) وكمان بطاقة عليها كلام منها (
اقدر هالحركات البسيطة )..
.
.
الباليت سعره حوالي ٤٢ $ وفيها ٩ ايشادوز .. حجم
الباليت صغير مقارب لحجم الكف >> والباليت نفسه مصنوع من كرتون قوي وما فيه
مرايا ( احس نفسي عادي ما احتاج مرايا ف باليت ) ...
.
.
٦ ظلال اللي فيه مات يعني ما فيهم لمعة واثنين
ساتين فيهم لمعة ..
صبغة الظلال عالية والألوان واضحة ومن اول لمسة
بالفرشة تظهر ما احتجت استخدم معاه اي برايمر ( اصلا نادر ما استخدمه @@) ..
الفورميلا تبع الظلال هو بودرة بس لها ملمس كريمي
( وصف غريب )
ثباتها كمان حلو وتظل ع عيوني ثابتة لفترت طويلة
..
صايرة استخدمه شبه يومي لان الألوان واختيارها
لهم كان جدا فظيع ومناسب لاي مناسبة نهارية او في المسا ...
راح اوريكم السواتشز للباليت عشان تشوفون الجمال معايا ^-*
( الصورة من النت << الحساب ع الصورة )
.
.
تتناثر شوي ع الباليت نفسه لما اجي اخذ منه
بالفرشة بس اتوقع اغلب البراندات كذا و ما اشوفه عيب ..
..
..
..
نجي الان للأرواج ..
..
^ـ^
..
مثل ما ذكرت فوق حاول اطلب اكثر من مرة واحصله اوت اوف ستوك
دايما ف زاد فضولي اشتري ف طلبته من تاجرة ع الانستقرام .. في حساابي ع الانستا
هنا راح تحصلوا منشن ع صورة الروج ..
الدرجة اللي خذيتها كاندي كي
..
..
الروج يجي ف علبة معاه محدد نفس الدرجة ( الان تقدري
تشتريهم منفصلين ) ..
..
صبغة الروج جدا عالية يعني طبقة وحدة وتكفيك ولا راح يتكتل
عليك ..
..
له ريحة خفيفة وتعجبني *ـ* وابدا ما تضايق لانها مقبولة
..
..
الروج ثباته حلوو ويظل بالساعات صح يخف بس ما يختفي
..
المحدد حبيته اكثر من الروج لانه كريمي ويمشي معاااي بكل
سهولة ناعم ولا يقطع الشفايف ..
واغلب الآحيان استخدم المحدد لحاله >ـ<
..
..
العيب الوحيد نفس اي روج سايل مات انه لو شفايفك جافة
ومتقشرة راح يطلع شكلها بشع >>
افضل شي تقشري شفايفك وترطبيها باستمرار وقبل الارواج لو
اضطريتي ..
،، انتهى الموضوع ان شاء الله يكون عجبكم ولا تنسوا التعليق او الاشتراك بالمدونة ^ـ*
0 التعليقات