تجربتـي مع INGLOT
تجربتـي مع inglot 
أهلين بنااات
كيفكم ؟؟
وحشتني مدونتي ومن زمان ما نزلت تدوينة
بس اليوم رجعت للتدوين
وان شاء الله برجع لنظام قبل كل اسبوع تدوينة
بوست اليوم عن تجربتي مع inglot
انجلوت
هي شركة أوروبية بالتحديد بولندية لها اكثر من ٣٠ سنة في عالم الماكياج ..
معروفة بجودة ظلالها ومنتجاتها بشكل عام .. تتميز بأسعارها الرخيصة او
المناسبة بالنسبة لجودة منتجاتهم .. وتتميز كمان بنظام freedom system اللي
يخليكي تختاري الوان الباليت اللي تريديها او حتى عدد الشادوهات في
الباليت الواحد .. وبامكانك تختاري حجم باليت يناسبك وتعبيه تدريجيا يعني
مش بالضرورة تعبيه في نفس اليوم ..
كمان
أسماء الشادوهات عبارة عن أرقام مش أسماء .. تعجبني فكرة غطاء باليت
الشادوهات او البلشرات الممغنط .. كل مرة أدخلها اكتشف واحب حاجات جديدة
منهم .. بس باقي اجرب ارواجهم ..
هذي مجموعة الشادوهات اللي عندي
اول حاجة خذيتها كان ٢ شادو وخذيتهم كتجربة لان الالون جذبتني
وما كنت فاهمة موضوع الباليتات اللي تقدري تعبيها في اوي وقت كان خذيت باليت اكبر وحطيتهم فيه وبعدين اكمله بألوان ثانية
درجة اللون على اليمين رقمها ٣٩٩
ودرجة اللون على اليسار رقمها ٤١٤
وهذيلا سواتش لهم ( حاولت قدر الامكان اظهر لونهم )
وقبل فترة مريت محلهم في مسقط وخذيت هالالوان
درجات الألوان من فوق لتحت
اول واحد 605
ثاني واحد 607
ثالث واحد 51
احس نفسي تجرأت كثير لما خذيت درجة الاورانج 
رابع واحد 335
خامس واحد والاخير 404
سواتش للالوان
في اضاءة الشمس
ومن دون اضاءة
وهذا شادو سنجل لحاله
لونه يجنن
درجته ٦١١
وهذي سواتش للون
عندي هالبلشرين واتجنن عليهم واللي ضايفتني في الانستجرام بتشوف اش كثر احط صوره
فيه درجتين زهري ووردي اغمق
درجة هالبلشر الروز ١٢٦ اللي على اليسار
ودرجة هالبلشر الاغمق ١٢٤ اللي على اليمين
واخر شي البودرة
خذيت درجة ٥٧
واحسن شي هو نظام الفريدوم سستم يعني من تخلص اقدر اعبيها مرة ثانية من دون ما اشتري البودي كامل ..
تجربتي مع انجلوت
جدااا حبيتهم
وضوح الشادوهات حلو من دون برايمر لونهم واضح واكيد مع البرايمر بيكون اجمل ..
البودرة جميلة بعد وتخلي وجهي مات من دون لمعه
احطها بعد الفاونديشن او من دونه >>
أسعار انجلوت جميلة .. الشادو الواحد لحاله ب 4 ريال والبلشر الواحد ب 5 ريال والبودرة ب 6 ريال ومن دون العلب
اسعار العلب للبودرة ب 4 ريال وباليت الشادوات الخمسة ب 5 ريال وللبلشر نفس السعر والعلبة تبع الشادو الواحد ب 2.5 ريال
الأسعار بالريال العماني
لا تنسوا تعلقوا على الموضوع اذا اعجبكم ^_^
ولا تنسوا تشتركوا في القايمة البريدية عشان يوصلكم كل جديد
6 التعليقات
حبيت
ردحذفبس كيف اسعارهم؟
ردحذفهلا عزيزتي
حذفعملت تحديث للموضوع وكتبت الاسعار
^_^
أزال المؤلف هذا التعليق.
ردحذفيجنن البوست
ردحذفحبيت درجة الألوان الترابية والزهري.!
انتي الجنان ....
حذفايوة هذا الدرجات اللي اعتمدها ف ماكياجي