How To Order FROM | NEXT | خطوآآت الطلب من

by - 2:25 م

مرحبااا بنااات
<
<
<
راح ابدي انزل مواضيع تحت سلسلة الطلب أون لاين
الموضوع هذا نزلته على السناااب وحفظااا له راح انزله هنا كموضوع عشان يكون مرجع لكل وحدة تسألني <<


هذا سناابي ( salalah.glam )

.
.
.
موقع  next



>
الشركة نفسها عندهااا فرووع كثيرة في مدن خليجية ( مش متوفر في صلالة ) وعندهم خدمة الشراء اون لاين من موقعهم ويوصلك لمنطقتك << الأغلب يقول انه اسعارهم اون لاين افضل بكثير من المحلات ...
في عندهم قطع ملابس للاطفال وملابس نساء ، لانجري ، ملابس داخلية ، اكسسوارت ، ملابس رجال وكماليات للمنزل ..


>

>
>



اول خطوة من متصفح جهازك او من اللاب توب روحي على nextdirect.com

على طول راح ياخذك للصفحة الخاصة بدولتك والاسعار نفس الشي بعمولة دولتك
.
.
.



هذي الصفحة الاولى اللي بتطلع لك .. اذا ضغطتي على علم السلطنة راح يعطيكي خيار تغيير البلد وتغيير العملة من الريال لاي عملة ثانية مثل الدولار وخيار تغيير اللغة للعربية  .. قبل لا تتسوقين راح تعملي حساب في الموقع اضغطي على حسابي | my account
.
.
.

اذا عندك حساب من قبل ف راح تسجلي ايميلك وكلمة السر في الخانات على اليسااار .. واذا اول مررة راح نضغط على خيار تابع | continue اللي بالاخضر
.
.
.



راح نعبي البيانات الاسم الاول والاسم الاخير والايميل ( ضروري يكون صحيح ) بعدها تطلع لك خانة معلومات التوصيل ( الخانات اللي عليها نجمة حمرة هي مهمة) ..رقم المنزل واسم الشارع راح نكتفي باسم الشارع .. الرمز البريدي لمنطقتك ( رمز البريدي لصلالة ٢١١ )  .
.
.
.

* اللي حابة تعرف الرمز البريدي لمنطقتها تروح لهالموقع omanpost.com وتضغط على منطقتها ويطلع لها ** 
.
.
.


اخر خطوة في معلومات التسجيل اللي هو كلمة المرور نكتبها ونضغط على تابع | continue ..
.
.
.




خلصنا تسجيل راح تطلع لك صفحة حسابك مع كامل معلوماتك ( اسفة ظللتها عشان معلوماتي ) ..
بعدها تختار اي شي نريد نشتريه يعني للاطفال راح نروح للاطفال حسب العمر 
.
.
.



مثلا اخترت هالقطعه قبل لا احطها في سلة الشراء ضروري اختار لونها اذا متوفر الوان كثيرررة ونختار قياس القطعة لازم تركزوا في بعض القياسات غير متوفرة او سولد اوت اللي مكتوبة بالاحمر .. اخترتي القياس واللون روحي على اضافة للسلة | add to cart 
.
.
.


اذا اضفتي القطعه للسلة راح تطلعك نافذة صغيرة فيها معلومات مبسطة للقطعه اذا خلصتي شراء بامكانك تضغطي تشيك اوت | checkout اللي بالاخضر وان قررتي تكملي الشوبينج تجاهليها او اضغطي تابع الشراء | continue shopping

.
.
.


اخر خطوة في الشوبينج هو الدفع هذي شكل السلة بعد ما اضفت لها بعض الاشياء لما خلاص قررت اتوكل على الله واشتريهم راح اضغط على تشك اوت الايقونة الخضراء | checkout 
.
.
.



معلومات الدفع راح نختار نوع البطاقة البنكية هل هي فيزا كارد ولا غيره .. بطاقتي فيزا كارد راح اضغط عليها واختار تابع | continue اللي باللون الاخضر ..
.
.
.


راح نعبي معلومات البطاقة رقمها واسم الشخص الحامل للبطاقة وتاريخ انتهائها ( الشهر والسنة ) والسكيورتي كود اللي يكون موجود خلف البطاقة حسب ما هو موضح في الصورة فووق ونضغط confirm and pay now 
.
.
* اذا كانت بطاقتك تابعة لبنك مسقط ف لازم ندخل كلمة السر للفيزا الكترون عشان حماية البطاقة **

.
.
.

راح توصلك رسالة على الايميل بمعلومات الشراء وكل شي مفروض توصل الشحنة بغضون ٥ ايام عمل ..
.
.
.

لا تنسون تحطون لي تعليقااات جميلة اذا استفدتوا من موضوعي وبامكانكم تتابعوني على مواقع التواصل الاجتماعي 


SNAPCHAT : salalah.glam 









You May Also Like

3 التعليقات

  1. اهلا .. هل راح يوصل للبيت ولا للبريد

    ردحذف
  2. اهلا .. هل راح يوصل للبيت ولا للبريد

    ردحذف
  3. اهلا .. هل راح يوصل للبيت ولا للبريد

    ردحذف