طريقة الطلب من كولور بوب | How To Order From | colourpop

by - 12:13 ص

السلاآآآآم عليكم ...
.
.
.
.
 بدينا في البوست السابق بسلسلة جديدة من المواضيع اللي هو ( الطلب اون لاين ) .. لان كثير بنات يسألوني في دايركت الانستجرام والسنااب كيف وكيف .. 
.
.
.

موقع اليوم هو www.colourpop.com 




اول شي هذي صفحة البداااية في الموقع 



اول حاجة تعمليها تسجلي في الموقع .. اضغطي على كلمة account  او حساب الموجودة في اعلى صفحة على يدك اليمين 



راح تاخذك لهالصفحة .. اذا كنتي مسجلة في الموقع من قبل راح تروحي لليسار وتكتبي ايميلك وكلمة المرور واضغطي دخول .. واذا اول مررة روحي للخيار اللي على اليمين وعبي الخانات بمعلوماتك الشخصية 



سهلة جداا اول شي اسمك واسمك الاخير والبريد الاليكتروني واخر شي كلمة المرور وبعدها اضغطي تسجيل ..



خلاص بكذا صار عندك حساب في الموقع ..


 الحين ابدي الشوبينج اختااري الاشياء اللي تريديها من فوق فيه كلمة shop واختاري المنتجات اللي تريديها 


الحاجة الي تريدي تضيفينها للسلة تضغطي add to cart وتلقائي تروح واذا حاابة تشوفي المنتج وتفاصيله اضغطي صورة المنتج 


مثلا لو دخلنا على مجموعة الأرواج راح يعطينا صور للمنتج على اكثر من بشرة الفاتحة والمتوسطة والغامقة وراح يساعدك تتصوري اللون عليكي 


واذا ضغطتي اضافة للسلة راح تطلع لك نافذة صغيرة بالاشياء اللي ضفتيها للسلة وفيه خيار للتشيك اوت .. اذا حابة تكملي تسوق تجاهلي النافذة 


في حالة اخترتي تشيك اوت راح ياخذك لسلة المشتريات تراجعيها واذا اضفتي عدد معين لمنتجاتك او حذفتي شي اعملي تحديث للسلة | update cart ( يمين الشاشة ) .. واذا اكتفيتي وحابة تنهي الطلب بالدفع روحي للخيار الثاني proceed to checkout ..



 اذا فيه اي مشكلة ف طلبك راح يعطيك تنبيه ( مثلا كان عندهم عرض تاخذي حاجات معينة ويعطوكي مجانا ايشادو بس ما كان متوفر ) اضغطي تابع | continue 



في الدفع عندك خيارين تنهي الطلب بالدفع عن طريق الباي بال او عن طريق بطاقة البنك .. اذا ضغطي خيار الباي بال بالاصفر راح ياخذك لصفحة تسجيل الدخول للموقع ..


راح تسجلي معلوماتك الشخصية ( ضروري تكون صح ) الاسم الاول ، الاسم الاخير ، عنوانك ( اي مدينة تسكنيها مثلا صلالة الجديدة ، البعض يكتب العنوان البريدي بس ما يحتاج ) المدينة ( مثلا صلالة ) ، البلد ( عمان ) ، الرمز البريدي ( الرمز البريدي لصلالة ٢١١ ) ، رقم الهاتف ( اختياري ) .. اخر شي اضغطي continue to shipping method





الصفحة هذي راح تعطيكي موجز لمعلوماتك اللي سجلتيها وبعدها طريقة الشحن ( الشحن الدولي فقط خيار واحد واذا وصلتي قيمة معينة يصير مجاني بس ف حالة مشترياتي كانت الاقل راح يحسب لك قيمة الشحن وهنا طلعت ٩ دولار ) 
اخر شي اضغطي  continue to payment method


اختاري نوع بطاقتك اذا فيزا او ماستر كارد بعدها سجلي رقم البطاقة وبعدها الاسم ع البطاقة وتاريخ انتهائها الشهر والسنة ..
الخيار اللي بعده عنوان بطاقة الدفع هل هو نفس عنوان الشحن او اختاري عنوان اخر ( اختاري نفس عنوان الشحن ) واخر شي اضغطي complete order 

وبكذا خلصتي عملية الشراء راح ياخذك لصفحة تذكر انك انتهيتي من الشراء مع معلومات الشراء ونفس الشي راح يوصلك ايميل على بريدك بمعلومات الشراء وبعدها ايميل اخر فيه تأكيد عملية الشراء 
.
.
.

ما تنسوا بنات تعليقاتكم الجميلة ونفس الشي اذا حابين اكتب لك عن اي موقع 

.
.
لا تنسوا تتابعوني في وسائل التواصل الاجتماعي 


وهذا كود سنابي 









You May Also Like

2 التعليقات

  1. أزال أحد مشرفي المدونة هذا التعليق.

    ردحذف
  2. كم يستغرق حتى يوصل الطلب؟

    ردحذف