مفضلات شهر أبريل
السلام عليكم بنااااات
وأهلا وسهلا فيكم في مدونتي
شوفوا بقية المواضيع اللي كتبتاها قبل
بنات عدد مشاهدات المدونة حلو بس مافي اي تفاعل حبيباتي تفاعلكم يشجعني
اكتب اكثر ..
تأخرت في بوست الأسبوع *_*
بوست اليوم عن : مفضلات شهرأبريل
انا عن نفسي اذا حبيت شي اظل استخدمه على طول وألزق فيه ولا اغيره مع ان
احس هالعادة تكود الماكياج عندي وما تعطيني فرصة أجرب شي جديد .
وشفت قبل يومين وحدة من البلوجرز كاتبة عن نفس مشكلتها وقررت انه كل اسبوع
تستخدم ماكياااج جديد وعجبتني طريقتها وان شاء الله راح اطبقها .
اول شي نبدأ ب بباليت اتش اند ام خقيت عليه كثيير تدرجات البني وكتبت عنه
تدوينه هنا . شريته من اتش اند ام سيتي سنتر السيب بحوالي ريالين ل ثلاثة ريال
ثاني شي اضاءة MARY-LOU من THE BALMالعجيبة تعطي اللوك جماااال عجيييب خاصة لو
بشرتك خالية من العيوب . احب استعمله ف المناسبات او في الميكب الثقيل .شريته من
تاجرة بقيمة 15 ريال .
ثالث شي بلشر INSTAIN من THE BALM درجته SWISS DOT . الدرجة عجيييبه اورانج لطيييف ( على فكرة انا
من محبي تدرجات البرتقالي كبلشر ) شريته من تاجرة بقيمة 11 . وتحصلوه في محل IDOLL
في مسقط جراند مول .
رابع شي ROUGE EDITION VELEVT من BOURJOIS درجته 07 روج جميل
وغريب اول ما تحطي يعطيكي احساس الجلوس وبعدها ينشف ويصير مات. أحلى ما فيه انه ما
ينشف الشفايف ولا يشققها . فظييييع وناوية اخذ درجات جديدة .
شريته بحوالي 7 ريال وشي من محل خيرات الجنوب . وتحصلونه في سنتر بوينت
وماكس واغلب المحلات التجميلية .
خامس شي بودرة STAY MATTE من RIMMEL الغنية عن التعريف كتبت عنها في انستجرامي من
قبل . أحبها حب فظييع هذا ثالث علبة معاي ومن شكلها مبين انها مكروفة كثييير .
الدرجة اللي استخدمها 004 SANSTORM مكتوب انها LONG LASTING اي انها تظل فترة طويلة . احب استخدمها بعد ما
احط مرطب خفيف للدوام او بعد الفاونديشن تعطيني منظر مات لبشرتي من دون اي لمعان
.شريتها من سنتر بوينت بحوالي 3 ريال ( مش متأكدة )
سادس شي كونسيلر FIT ME من MAYBELLINE . شريته ع المدح اللي عليه
وبصراحة يستاهلها . درجتي 25 . ما عندي هالات قوية بس خفيفة أحطه عليها
واطبطب ويطلع روعه ويخفي الهالات ولا يتكتل ولا يخطط . شريته من سنتر بوينت وما
اتذكر السعر للاسف .
سابع شي فاونديشن STAY ALL DAY من ESSENCE . أول ما شريته وحطيته بالبيوتي بلندر ابدا ما
عجبني شكله ع وجهي وبعد فترة قررت اعطيه فرصة وجربته بس هالمرة وزعته باصابع يدي
وطلع حلو علي وحسيت نفسي ظلمته كثير. من مميزاته حسب كلامهم انه ثباته طويل ويظل
لمدة 16 ساعه بامانه ما جربته الا لمدة 5 ساعات وظل حلو ع بشرتي . درجتي فيه 15 SOFT CREME شريته من كارفور صلالة جاردنز مول بما يقارب
ريالين .
ثامن شي ايلاينر EXAGGERATE من RIMMEL . زمان كنت أحب ايلاينر محمود سعيد وبعدها قررت
اغير وأجرب شي ثاني وشريت هذا من خيرات الجنوب وعجبني لان فرشته شوي عريضة وثباته
حلو لانه ضد الماي . وسوداه كمان حلو .
ثاسع شي ماسكرا MULTI ACTION BLACKEST BLACK MASCARA من ESSENCE . اللي عجبني فيها انها تكثف الرموش بطريقة حلوة
وكمان سعرها اللي تقريبا ريال و 800 بيسة .
عاشر شي كحل من ماكياجي . تقدري تستخدميه ككحل او ايشادو . احلى حاجة فيه
انه ضد الماي وما يسيح لتحت العين اذا كحلت فيه عيني من داخل ما استغنى عنه ابداا ابداا في مكياجي اليومي . شريته من ماكياجي
من صلالة جاردنز مول بسعر 5 ريال وكسور اتوقع .
اخر شي عجلة الكونسيلر من FOREVER 52 . خذيت درجة الميديوم لان كان خاطري اجرب
الكونتور والكونسيلر وكذا وطلع روعه اقدر اخبي فيه اثار الحبوب وكمان اعدل حواجبي فيه . شريته من محل
تاج العارفين ب 3 ريال تقريبا .
بانتظار تعليقاتكم ^_^
للتواصل معي
الايميل : do3a.mania@gmail.com
الانستجرام: do3a.mania
2 التعليقات
ماشاء الله موضوع كامل ومتناسق
ردحذفتحمست لـ عجلة الكونسيلر
وكحل مكياجي,!
عجلة الكونسيلر كان شريتها وما كنت متحسة له بس بصراحة طلع روعه
حذف