EMPTIES 3 | منتجات خلصتها
لسلآآآم عليكم بنااات <<<
كيفكم وكيف الآجواء معاااكم >>
أنا مثل ما شايفين صايبني بياات شتوي وكسل في
هالوقت ...
بس جهزت لكم موضوع الاشياء اللي انتهيت منها خلال
هالفترة الماضية ورأيي بيها ...
مجموعة المرطبااات
* مرطب يد من اتيود هاوس ماركة كورية
خذيته ع المدح اللي عليه بس لاحظت انه مرطب مثله
مثل غيره يعني ما فيه اي شي زود ...
تحصلوه عند التاجرات او اون لاين
....
* من فازلين المرطب البخاخ بالصبار
عجبني انه عملي لما اكون مكسلة خاصة الصبااح
ولأني ما احب ملمس المرطبات الزيتيه وكمان غير دهني يعني ما يدبق معاك .. طبعا هم ذاكرين انه ترطيبه يعتبر لايت او
خفيف بس برضه حبيته وحبيت كيف ان استخداامه سهل ..
موجود في اغلب السوبر ماركتس
...
* مرطب اليد من افريكان بلاك سوب
حبيت ترطيبه العمييق اللي يستمر معاي ساعات من
دون ما يروح وكمان رايحته الحلوة .. مشكلتي اني ف عملي استخدم القفاز بكثرة ف ايدي
صايرة مررة ناشفة واحتاج مرطب يجلس معاااي بالساعات ..
شريته من اي هيرب ..
...
اللي في الصورة منتجات لوكسيتان ميني شريتهم ف
بوكس كتجربة
وجدااا حبيت المرطب الاول اللي ع اليمين مرطب جسم
ترطيبه مررره عمييق ..
والاثنين مرطبات اليد ريحته حلوة بس حبيت تبع
الشيا اكثر لان ترطيبه اقوى ..
مجموعة الشعر
* شامبو الترا دوكس من جارنييه
اخلصه وارجع اشتريه ما امل منه ومن ريحته تكلمت
من قبل عنه في مفضلاتي وفي منتجات الي خلصتها قبل ..
موجود في اغلب السوبر ماركتس
..
* شامبو مان ان تيل هيربال جرو
اخذته مع البلسم .. لحد الان ما قادرة احدد اذا
كان حبيته او لا .. مثلا لما احط زيت ع شعري كماسك واستخدم الشامبو بعده احس شعري
حلووو وناعم بس لما استخدمه لحاله احس شعررري يصير مرررة نااااشف وجااااف ...
شريته من اي هيرب ..
...
* بخاح الشعر المغذي للاطفال من أملا
جداا حبيته لشعر بنتي اولا لانه عملي ولانه فعلا
يغذي شعرها وما يخليها يتطاير عكس البخاخات الثانية اللي اشتريها لمنع التشابك
يكون مفعولها مؤقت ولان ريحته عجيبة وحلوة في الشعر .. واكيد رجعت شريته لها لاني حبيته ..
موجود في السوبر ماركتس
...
* زيت فيتا كير الكيراتين
تشتغل معاي فليبينه ودايما تصبغ شعرها بس ما شاء
الله عمره ما يخرب ودايما تقولي اشتريه جداا حلو للشعر ..
وصح كلامها جدا يخلي الشعر ناعم ويشيل النفشة من
دون ما يعطيك احساس انه مرر متزيت وريحته روووعه ..
ودايما ما احصله الا ف كارفور واغلب الاحيان ما
احصله
غسولات الوجه
* وايت بيرفكت من لوريال
المرة الثانية استخدمه يعجبني صح انه ما لاحظت اي
تفتيح بس احبه كغسول منظف ..
موجود في السوبر ماركتس
..
* سكرب الوجه بقشور البرتقال من كلارنس
عجييب تقشيره لطيف ع البشرة وما يخدش .. صحيح سعره مرتفع بس يجنن وراح ارجع اشتريه لو حصلته هنا لان شريته من مسقط ...
العناااية بالجسم
* روز أرجان بلسم للجسم من لش
جدا احبيته ريحته ناعمة وما تضااايق
طريقة استخدامه : بعد ما تخلصي الشاور تبعك تشيلي
منه وتحطي ع جسمك وتغسليه ،، وظيفته انه يعطيك ترطيبك ومفروض يغنيك عن المرطب ..
استخدمه اوقات اذا حااابة ادلع نفسي بس طبعا ما يغني عن المرطب لانه ترطيبه مش
عميق مررة ..
شريته من محل لش
...
* صابون الاستحمام للاطفال ما قبل النوم من جونسون
حبيته وان شاء الله هالمرة راح اجرب الوردي ..
ريحته جميلة وهادية وكأنه ريحة بيبي
متواجد في السوبر ماركتس
....
* مزيل العرق بيور
من دوف
مدري العلبة رقم كم هذي اللي خلصتها جدااا الحمد
لله ناسبني وان شاء الله راح استمر عليه ...
متواجد في السوبر ماركتس
* زبدة الشيا من ناو
ترطيبها جداا عميق تنفع للاوقات اللي جسمي مرررة
ناااشف وجاااف واحلى شي انه ما فيها ريحة قوية نفس الشيا الصفراء
شريتها من اي هيرب .
* زيت اكليل الجبل من ناو
استخدامه له كان بس للشعر اخلطه مع مجموعة زيوت
واخليهم ع شعري ..
شريته من اي هيرب ..
...
* سولتد كوكنت مقشر اليد من لش
يقشر اليد بلطف ويخليها مررة ناعمة وكميتها تكفي
فترة طويلة ولانها مصنوعة من منتجات طبيعية ف عليها تاريخ انتهاء
شريتها من محل لش فرع مسقط
...
* زيت اللوزللشاور
من لوكسيتان
ما يترك الجسم ناااشف بالعكس تحسيه مترطب ومش جاف
وكمية بسيطة منه تكفي .. ان شاء الله راح اشتري الحجم الاكبر ..
الماكياااج
* ماسكار فولس لاشز من ماك
وصلتني كعينة مع الطلب
حبيتها حلوة تطول وتكثف الرموش وان شاء الله لما
اطلب من ماك راح اشتري الحجم العادي ..
...
* زيت ازالة الماكياج من ماك
وصلتني كمان عينة مع الشراء
يشيل الماكياااج بلطف بس عن نفسي ما احب ملمس
الزيت ع وجهي ( خخخ ) ف ما حبيته كثير ...
....
* بودرة من انجلوت
حلوة بس ما اظن راح اشتريها مررة ثانية لان عندي
خيارات اخرى افضل ..
شريتها من محل انجلوت
...
* بودرة لحواجب من نيكس
مدحتها من قبل انها عاجبتني
ومبين اني استخدمت اللون الاغمق اكثر لان يناسب
درجة حوااجبي ... ما انصح باستخدام الجل اللي معاها لانه يطيح الحواجب .. انا
استخدم البودرة لحالها واحيانا ابخ من فكس بلس ع الفرشة واستخدم البودرة ..
شريتها من سنتر بوينت من ستاند نيكس
....
* بودرة ستاي مات من ريميل
حلوة واستخدمت اكثر من علبة منها تعطي لوك مرررة
مااات وسعرها كمان حلووو
شريتها من سنتر بوينت ستاند ريميل
...
* ماسكرا ا لوف اكستريم من ايسنس او الماسكارا
الوردية
احبها ودايما اشتريها واستخدمها في اغلب اوقاااتي
.. تعطي كثافة وطول .. احيااانا لما تكوون جديدة تتكتل بس هذا العيب ما داايما
الاحظه يعني استخدمتها من قبل وما لاحظت هالشي الا في اخر علبتين منه وما احسه عيب
يخليني ابطل استمتع بجمالها هههه
...
* قلم الحواجب من كولور بوب
شريته لان خااطري اجرب اقلام الحواجب اللي تكون
كذا بما ان اغلب البراندز نزلوا منها .. عجيب يمشي بسهولة ع الحواااجب وخلص ورجعت
شريت منه .. عيبه يخلص بسرعه
شريته من محل نهال في صلالة وموجود اون لاين ..
....
العطور والبخووور
* عطر دمشق من الجزيرة
يا ويلي مررة ابداااع هالعطر مرة يدخل المزاج
واذا استخدمته دايما يسألوني البنات شو عطرك .. وان شاء الله راح ارجع اشتريه
شريته من فرع الجزيرة ف مسقط
...
* بخور روائح
هالاربع علب حجمهم ميني من شركة عمانية تملكها
بنت طيوبة وفكرتها كانت جدااا حلوة .. يعني ف اغلب الاحيان تحسي نفسك مش قادرة
تحكمني ع البخور من المرة الاولى الاولى ( مثلي خخخ ) ف حجمها وسعرها جداا مناسب
للتجربة وكمان للسفر ما ياخذ مساحة ف الشنطة ..
الهيل ..
مررة حلوة لتبخير البيت ..
الشيوخ ..
حبيتها لزوجي دايما ابخره فيها وريحتها ما شاء
الله ثابته
الأميرة ..
حبيتها اكثر شي لدرجة معاي حجم اكبر ومخلصة عاااد
سبايك ..
حلوة فيها عطر فرنسي ..
وكالعاااادة حبيباتي لا تنسوا تشتركوا ف المدونة
وانتظر تعليقاتكم الجميلة ^ـ^
وكالعاااادة حبيباتي لا تنسوا تشتركوا ف المدونة
وانتظر تعليقاتكم الجميلة ^ـ^
2 التعليقات
ماشاء اللّه عليج منتجات جميله وعنايتچ وأسلوبچ اجمل��
ردحذفشكرااا لك ولتعليقك الجميييل
حذف